Túrkistanda bazar, vokzal, meshitter dezınfektsııalanyp jatyr
QR Prezıdenti Qasym-Jomart Toqaevtyń QR terrıtorııasynda COVID-19 koronavırýsyn pandemııa dep tanýyna baılanysty tótenshe jaǵdaı jarııalanǵan bolatyn. Osyǵan oraı, Túrkistan oblysynda da indettiń taralýyna tosqaýyl qoıý boıynsha barlyq sharalar qarastyrylyp, jumys atqarylyp jatyr.
Sonyń biri retinde adam kóp jıylatyn qoǵamdyq oryndardaǵy tazalyqty saqtaý, sanıtarlyq talaptardy qalyptastyrý maqsatynda oblys ortalyǵyndaǵy birqatar qoǵamdyq oryndar dezınfektsııalanyp, zalalsyzdandyrylýda. Túrkistan oblysynyń dezınfektsııa ortalyǵynyń mamandary qala aýmaǵyndaǵy «Asanbaı ata» meshiti, «ıAssy» avtovokzaly, M.Mámetova atyndaǵy №6 orta mektep men ortalyq «Qýanysh» bazary sııaqty oryndarǵa arnaıy quraldardyń kómegimen dezınfektsııalaý jumysyn júrgizdi.
Qala turǵyndarynyń qaýipsizdigin qamtamasyz etý maqsatynda arnaıy suıyqtyqtar men dáriler seýip, atalmysh nysandardy tolyǵymen zalalsyzdandyrdy. Sonymen qatar, arnaıy mamandar osy nysandar aýmaǵyndaǵy turǵyndarǵa túsindirme jumystaryn júrgizip, saqtyq sharalaryn saqtaýǵa shaqyrdy.
Atalǵan jumystar kún saıyn turaqty túrde qalanyń barlyq aýmaǵynda júrgiziledi.
