Túrkistanda baspanaǵa suranys artty
TÚRKІSTAN. QazAqparat – Túrkistan qalasynda karantın rejımine qaramastan oblys ortalyǵynda qurylys jumystary turaqty túrde jalǵasýda. Atqarylyp jatqan jumystardy kórip shyqqan oblys basshysy Ómirzaq Shókeev qurylysshylarǵa turǵyn úılerdiń sapasyna mán berýdi jáne merziminde aıaqtaýdy tapsyrdy, dep habarlaıdy QazAqparat tilshisi.
Túrkistan qalasy ákimdiginiń málimetinshe, ákimshilik-iskerlik ortalyǵynda 24 turǵyn úıdiń qurylysy júrgizilýde. Onyń 22-iń qurylysyn aıaqtaý qarasha aıyna josparlanǵan. Buǵan qosa, 12 qabatty 45 turǵyn úıdiń qabyrǵasy kóterilýde. Bul úıler 2021 jyly paıdalanýǵa beriledi dep kútilýde. Túrkistandyqtardy baspanamen qamtamasyz etý úshin ıpotekalyq turǵyn úılerdiń qatary artpaq. Qurylysy qarqyn alǵan álemde teńdesi joq «Kerýen Saraı» týrıstik kesheninde Shyǵys bazary, etnıkalyq úlgidegi meıramhanalar men qonaq úıler salynýda. Kópsalaly saraıda kóne shyǵys teatry, ulttyq dámhanalar, jasandy kólder, saıabaqtar salý josparda. Sheberler kóshesinde kádesyılar satatyn sheberhanalar sap túzeıdi. Oblys ortalyǵyndaǵy «Jelilik saıabaq», «Attraktsıondar saıabaǵy», «Oqýshylar saraıy», «Kongress ortalyǵy», «Jabyq basseıni bar sport saraıy», «Ortalyq stadıon» jáne «Q.A.ıAsaýı murajaıy», «Dramateatr» ǵımarattary bıyl el ıgiligine beriletin bolady. Budan ózge, oblys ortalyǵyndaǵy rýhanı-mádenı ortalyqty abattandyrý maqsatynda iri jobalar qolǵa alynyp, qurylys jumystary júrgizilýde.
