Túrkistanda balalar men jasóspirimder týrızmin damytýǵa baǵyttalǵan respýblıkalyq forým ótti
TÚRKІSTAN.QazAqparat - Túrkistanda balalar men jasóspirimder týrızmin damytýǵa baǵyttalǵan «Túrkistan -rýhanı Astana» respýblıkalyq forýmy ótti, dep habarlaıdy QazAqparat tilshisi.
Jıynda Aqmola oblystyq týrıster qaýymdastyǵynyń tóraǵasy Qaırat Abaıdollauly «Altyn sheńber» (biryńǵaı Ońtústik-Soltústik-Batys-Shyǵys týry) týryn jandandyrý jáne osy baǵyttardaǵy poıyzdardy iske qosý maqsatynda Túrkistan oblysynyń basqarmalarymen yntymaqtastyq ornatýǵa nıet bildirdi.
Memleket basshysynyń Qazaqstan halqyna Joldaýyn júzege asyrý boıynsha 2018 jyldyń 5 qazanyndaǵy oblystarda «Óz jerińdi tanyp bil» atty jappaı balalar týrızmin jandandyrý jónindegi sharalardy qabyldaý boıynsha is-sharalar jospary túzilgeni belgili. Osy bastamany júzege asyrý maqsatynda uıymdastyrylǵan basqosýda Astana qalasynyń Balalar jáne jasóspirimder týrızmi jáne ólketaný ortalyǵynyń dırektory Mels Qabdýluly 2018 jyly jetken jetistikteri men ótkizilgen 48 is-shara týraly aıtty. Sonymen qatar ol jyl saıyn «Qazaqstannyń Memorıaldyq oryndardan bastap qasıetti oryndarǵa deıin» jobasynyń aıasynda mektep oqýshylaryna ekspedıtsııalar uıymdastyrý jáne Astana men Túrkistan qalalaryndaǵy balalar úshin saıahat almasýdyń ekijaqty áriptestigin usyndy. Munan bólek, jastar arasynda festıvalder uıymdastyryp, demalys kúnderinde túrli saparlar ótkizý máselelerin sóz etti. Al H.A.ıAsaýı atyndaǵy HQTÝ-dyń «Týrızm jáne jýrnalıstıka» kafedrasynyń meńgerýshisi Fatıh Týrkmen balalar jáne jasóspirimder týrızminiń álemdik tájirıbesi týraly aıtyp berdi. Túrkistan oblysyna jas týrısterdi tartý maqsatynda ol túrli baǵyttaǵy festıvalder men jastar konferentsııalaryn ótkizýdi jáne bilim berý mekemeleriniń bazasynda jazǵy 3 aılyq tildik kýrstar túrinde is-sharalar qabyldaýdy usyndy. 
Forýmnyń qorytyndysy boıynsha ózara túsinistik pen yntymaqtastyqqa qurylǵan birqatar memorandýmdarǵa qol qoıyldy.
Atap aıtqanda, Túrkistan oblysynyń bilim basqarmasy Qyzylorda men Jambyl oblystarynyń bilim basqarmalarymen arnaıy qujat túzse, Túrkistan oblysynyń týrızm jáne syrtqy baılanystar basqarmasynyń «Turkistan Tourism Center» týrıstik aqparattyq ortalyǵy KMM men Astana qalasy ákimdiginiń «Balalar jáne jasóspirimder týrızmi jáne ólketaný ortalyǵy» MKQK arasynda da yntymaqtastyq memorandýmy jasaldy. Sondaı-aq, Túrkistan oblystyq bilim basqarmasyna qarasty «Jas týrıster stantsııasy» MKQK «Balalar jáne jasóspirimder týrızmi jáne ólketaný ortalyǵy» MKQK-men de áriptestik qujatyna qol qoıdy.
