Túrkistanda azyq-túlik taýarlary arzan baǵada saýdalandy
TÚRKІSTAN. QazAqparat - Túrkistanda Otan qorǵaýshylar kúnine oraı azyq-túlik taýarlaryna arnalǵan jármeńke uıymdastyryldy. Onda kúndelikti turmysqa qajetti tutyný taýarlary arzan baǵada satyldy, dep habarlaıdy QazAqparat tilshisi.
Jármeńkede halyqtyń eń kóp tutynatyn et pen sút ónimderi, kókónister men men baqsha ónimderiniń baǵasy naryqtaǵy satylymnan neǵurlym tómen saýdalandy. Sharaǵa aımaqtaǵy aýdan-qalalardan sharýalar óz ónimderin usynyp, alýshylardyń kóńilinen shyǵýǵa tyrysty.
Aıta keteıik, Túrkistan qalasynda sońǵy kezderi osyndaı jármeńkeler ár mereke kúnderi uıymdastyrylýda. Oǵan oblysqa qarasty aýdan-qalalardan kelgen kásipkerler men sharýalar atsalysýda, Sondaı-aq, oblys ortalyǵynda búgingi kúni 14 áleýmettik dúken halyqqa qyzmet kórsetip otyr.
