Túrkistanda azyq-túlik baǵasyn baqylaý úshin jedel jeli iske qosyldy
Túrkistan qalasyndaǵy áleýmettik mańyzy bar azyq-túlik taýarlarynyń baǵasy turaqty. Halyq kúndelikti tutynatyn taýarlardyń baǵasynyń jaı-kúıin, saýda oryndary men bazarlardaǵy azyq-túlik qoryn baǵamdaý jáne sanıtarlyq jaǵdaıyn qaraý maqsatynda oblys əkiminiń orynbasary M.Myrzalıev bastaǵan oblystyq Kásipkerlik jáne saýda basqarmasy, Bəsekelestik qorǵaý departamenti, Túrkistan qalasy əkimdigi men Turaqtandyrý qorynyń mamandarynan quralǵan jumysshy top Túrkistan qalasyndaǵy birqatar nysandardy aralap shyqty.
Atap aıtqanda, «Shapaǵat», «Dastarqan», «Báıterek» saýda oryndary, «Əzız», «Qýanysh» bazarlary men əleýmettik dúkenderdiń qalypty rejımde qyzmet istep jatqanyn, azyq-túlik qorynyń jetkilikti ekenin jəne baǵa negizsiz ɵspegenine kɵz jetkizdi.
Elde jarııalanǵan tótenshe jaǵdaıǵa baılanysty, azyq-túlik taýarlarynyń baǵasyn ósirmeý jáne jasandy tapshylyqqa jol bermeý jóninde túsindirý jumystary júrgizildi. Qoǵamdyq oryndarda sanıtarlyq jáne dezınfektsııalyq sharalardy qoldaný kerektigi aıtyldy. Sondaı-aq, saýda oryndary basshylarymen tɵtenshe jaǵdaı kezeńindegi talaptardyń oryndalýyn qatań saqtaý eskertildi.
Túrkistan qalasynda azyq-túliktiń baǵasyn negizsiz ósýin baqylaý maqsatynda jedel jeli iske qosyldy. Eger turǵyndar tarapynan azyq-túliktiń baǵasy óskeni baıqalsa 8 (72533) 5-93-28 jáne 87476935285 jelilerine qońyraý shalyp, jaǵdaıdy habarlaı alady.
