Túrkistanda azamattyq nekedegi áıelin atyp óltirgen turǵyn 18 jylǵa sottaldy
TÚRKІSTAN. QazAqparat – Sot úkimi 1 maýsymnan bastap zandy kúshine endi. Al, jábirlenýshiniń sońynda 3 balasy jetim qaldy, dep habarlaıdy QazAqparat tilshisi.
Oqıǵa 10 qańtar kúni bolǵan. Túrkistan qalasy Aqbastaý kóshesi №46 úıde Farıda Moldabaevany belgisiz bireý atyp ketken.
Keıinnen kúdiktiniń marqumnyń azamattyq nekedegi kúıeýi ekeni belgili boldy.
Kelinshektiń basqa er adammen sóıleskenin kórgen ol janjal shyǵaryp, sońynda eki aýyzdyq 16 kalıbrli myltyqpen basynan atqan.
Jaraqat alǵan azamatsha sol jerde qaıtys boldy.
Túrkistan oblysynyń qylmystyq ister jónindegi mamandandyrylǵan aýdanaralyq sotynyń 2022 jylǵy 27 sáýirdegi úkimimen aıyptalýshy S-ǵa Qylmystyq kodeksiniń 99-babymen 18 jylǵa bas bostandyǵynan aıyrý jazasy taǵaıyndaldy.
