Túrkistanda aıyppul tólegisi kelmegen júrgizýshi polıtseıge para usyndy

TÚRKІSTAN. QazAqparat - Túrkistan oblysynyń polıtseıleri tártip saqshysyna para bermekshi bolǵan júrgizýshini ustady, dep habarlaıdy QazAqparat.

Túrkistan oblysynyń polıtseıleri táýlik boıy jol-kólik oqıǵalarynyń aldyn alý, boldyrmaý, qaýipsizdik erejesin saqtaý maqsatynda patrýldik polıtsııa qyzmetkerlerimen birge qarqyndy jumys júrgizip otyr.

Osyndaı kezekti jumys kúninde Túrkistan QPB JPQ PPR ınspektory, polıtsııa aǵa leıtenanty Nurjan Kúmisbaev Túrkistan qalasynyń S.Erýbaev pen Sh.Aımanov kóshesiniń boıynda jol erejesin óreskel buzyp, burylys jasaýǵa bolmaıtyn jerden burylǵan TOYOTA markaly avtokólikti baıqap, toqtatady.

Júrgizýshi toqtaǵanymen, polıtseı suraǵan avtokólikke tıesili qujattaryn berýden bas tartyp, aqsha bermek bolady.

ıAǵnı, óziniń áreketi úshin qylmystyq jaýapkershilikke tartylatynyn bile tura, ony boldyrmaý maqsatynda patrýldik polıtsııa batalonynyń qyzmetkerlerine para usynady.

Qazirgi ýaqytta júrgizýshiniń tártip saqshysyna para bermek bolǵany úshin QR QK 367-baby 1-bóligi «para berý» boıynsha sotqa deıingi tergeý amaldary júrgizilýde.

Al, jol erejesin buzǵany úshin júrgizýshige QR ÁQBtK 601-babymen hattama toltyryldy.

Óz kezeginde Túrkistan oblysynyń polıtseıleri qyzmettik mindetterin atqarý kezinde laýazymdy tulǵalarǵa para bergeni úshin qylmystyq jaýapkershilik qarastyrylǵanyn taǵy da eskertedi.

Sonymen qatar, polıtsııa qyzmetkerleri júrgizýshilerdi jáne basqa da jol qozǵalysyna qatysýshylardy JQE qatań saqtaýǵa shaqyrady: jyldamdyq rejımin jáne manevr jasaý erejelerin buzbaýǵa, qarsy qozǵalys jolaǵyna shyqpaýǵa, qashyqtyqty saqtaýǵa jáne eń bastysy, mas kúıde kólik basqarmaýǵa keńes beredi.