Túrkistanda áıgili tımýrıdter mýzeıiniń kórmesi ashyldy
ASTANA. QazAqparat - «Áziret Sultan» memlekettik tarıhı-mádenı qoryq-mýzeıi jáne Ózbekstan Respýblıkasy Ǵylym Akademııasynyń Tımýrıdter tarıhy memlekettik mýzeıiniń uıymdastyrýymen «Tımýrıdter tarıhy mýzeıiniń jaýharlary» taqyrybyndaǵy foto-kitap kórmesiniń saltanatty túrde ashylýy ótti.
"Áziret Sultan" memlekettik tarıhı-mádenı qoryq mýzeıiniń baspasóz qyzmetiniń habarlaýynsha, atalǵan kórme - Qazaqstandaǵy Ózbekstan jyly aıasynda, sonymen qatar Astana qalasynyń 20 jyldyǵyna oraı uıymdastyrylýda.
«Tımýrıdter tarıhy» memlekettik mýzeıi Ózbekstan Respýblıkasynyń Tuńǵysh Prezıdenti Islam Karımovtyń bastamasymen 1996 jyly Ámir Temirdiń 660 jyldyǵyna oraı qurylǵan.
1000-ǵa jýyq jádigerleri bar «Tımýrıdter tarıhy» mýzeıi qorynda Ózbekstan tarıhyn kórsetetin biregeı buıymdar jınaqtalǵan. Olardyń qatarynda túrli qoljazbalar men hattar, altyn, kúmis jáne mys monetalar, keramıkalyq, qola jáne mys buıymdary, Ámir Temir jáne Tımýrıdter dáýirinen syr shertetin jádigerler saqtaýly.
Kórmeniń maqsaty - óńirler arasyndaǵy mədenı baılanystardy nyǵaıtý jəne mýzeı isin dəripteý bolyp tabylady.
Tarıhı tanymdyq kórme kópshilik nazaryna bir aı kóleminde jumys jasaıtyn bolady.
