Túrkistanda aıaǵyn shalys basqandarǵa kómek kórsetiledi
ShYMKENT. QazAqparat - Túrkistanda «Probatsııa úıi» ashyldy. Endi aıaǵyn shalys basyp, temir torda jazasyn ótep shyqqandar osy jerden quqyqtyq kómek ala alatyn bolady, dep habarlaıdy QazAqparat tilshisi.
Daǵdarystyq ortalyq Elbasynyń «100 naqty qadam - Ult jospary» tapsyrmasy aıasynda boı kóterip otyr. Igi bastamaǵa jergilikti bılik pen oblystyq qylmystyq atqarý júıesi departamenti uıyqty bolyp otyr.
Ortalyqta sottalǵandarǵa «bir tereze» qaǵıdasy boıynsha qyzmet kórsetilmek. Joba aıasynda jazasyn ótep shyqqandar qoǵamǵa qaıta beıimdelip, áleýmettik turǵydan qoldaý kórmek. Sondaı-aq qujattaryn rásimdep, jumysqa ornalasady. Probatsııa úıinde 10 mekemeniń qyzmetkerleri men zańger quqyqtyq keńes beretin bolady. Odan bólek, narkolog, psıholog sııaqty mamandar men aýdandyq emhana, aýrýhana dárigerleri medıtsınalyq tekserýden ótkizedi.
Aýdandyq dene shynyqtyrý jáne sport bólimi men jumyspen qamtý jáne áleýmettik baǵdarlamalar bólimderiniń mamandary da aıyna 2 retten kelip, jumys júrgizbek.
Aıta keteıik, ońtústik óńirinde mundaı mekeme Shymkent pen Kentaý qalalarynda, Otyrar men Shardara aýdandarynan ashylǵan.
