Túrkistanda aýyr qylmys jasap qashyp júrgen kúdikti óz erkimen prokýrorǵa keldi
ShYMKENT. QazAqparat - Túrkistanda aýyr qylmys jasap qashyp júrgen kúdikti óz erkimen qadaǵalaý organy ókilderine keldi. Bul týraly qala prokýrory Rýslan Ábdiraıymov málimdedi, dep habarlaıdy QazAqparat tilshisi.
Qala prokýrorynyń sózinshe, sezikti osy jyldyń maýsym aıynda zorlaý qylmysyn jasady degen kúdikke ilingen bolatyn. Alaıda ol tergeý bolyp jatqanyna qaramastan izin sýytqan. Ony tabýǵa tártip saqshylary árekettengenimen, nátıje shyqpapty. Araǵa úsh aı salyp baryp ol óziniń qorǵaýshysymen birge prokýrorǵa ádildik izdep kelgenin aıtqan.
«Mundaı jaǵdaı 17 jyldyq tájirbıemde alǵash ret bolyp otyr. Aýyr qylmys jasaǵany úshin 3 aı kóleminde izdeýde júrgen adam, zańdy ókilimen birge keldi. Ol «Túrkistan qalalyq prokýratýrasy týraly syrttaı estip jatyrmyz, bizdiń is boıynsha ádil baǵasyn berersiz dep» prokýratýraǵa ózi keldi. Onyń bultartpaý sharasyn kúzetpen ustaý týraly sot qaýlysy shyqqandyqtan, sezikti jigit qamaýǵa alyndy. Іstiń tergelý barysy endi prokýratýranyń baqylaýynda bolady»,- dedi Rýslan Ábdiraıymov.
