Túrkistanda aýyl sharýashylyǵy salasy ozyq tehnologııalarynyń kórmesi ótti
TÚRKІSTAN. QazAqparat - Túrkistan qalasynda «Agroónerkásip kesheniniń ozyq tehnologııalary» atty kórme ótti.
Oblys ákimi Ómirzaq Shókeev bastaǵan top eń aldymen aýyl sharýashylyǵy salasyndaǵy ozyq tehnologııalarmen tanysty, dep habarlaıdy QazAqparat tilshisi.
Kórmede kópshilikke aýyl sharýashylyǵy ónimderi, asyltuqymdy tórt túlik maldyń túrleri men zamanaýı tehnıkalar usynyldy. Sondaı-aq, sharaǵa jınalǵan qaýym sharýalarǵa sút qabyldaý beketteriniń jumysymen tanysyp, salmaǵy 1 tonnadan asatyn «Aberdın - angýs» buqalary men asyltuqymdy qarakól qoılarynyń erekshe túrlerin tamashalady.
Kórmede zamanaýı tehnıkalarmen jabdyqtalǵan aýyl sharýashylyǵyna arnalǵan arnaıy mashınalar men qural-jabdyqtary kópshilik nazaryna usynyldy. Tehnıkalardyń álemge tanymal Djon-Dır, Lambordjını, Sampolev syndy traktorlary kórsetildi. Egin sharýashylyǵy boıynsha mıneraldy tyńaıtqyshtar, gerbıtsıd, pestıtsıd jáne taǵy basqa preparattar qoıyldy. Sonymen qatar, azyq-túlik beldeýin qurýǵa baılanysty jańbyrlatyp jáne tamshylatyp sýarýǵa arnalǵan jylyjaı kesheni jabdyqtaryn shyǵaratyn óndirýshiler qatysty.
Budan ózge, asyltuqymdy mal túrleriniń (qoı, jylqy, buqa, túıe) kórmesi uıymdastyryldy. Qus jáne balyq ósirýde qoldanylatyn qural-jabdyqtardy óndiretin mekeme mamandary men qurama jem jáne malǵa qajetti túrli dárýmender shyǵaratyn zaýyttardyń, veterınarııalyq dári-dármekterdiń barlyq túrin jáne qoldan uryqtandyrý jabdyqtaryn shyǵaratyn óndiris oryndary óz ónimderin tanystyrdy.
