Túrkistanda aýrýhananyń burynǵy bas dárigeri 38 mln teńge jymqyrǵan

NUR-SULTAN. QazAqparat – Túrkistan oblystyq balalar aýrýhanasynyń burynǵy bas dárigeri 38,5 mln teńge aqsha jymqyrdy degen kúdikke ilindi, dep habarlaıdy QazAqparat tilshisi.

«Osy aptada Shymkent qalasynyń Sybaılas jemqorlyqqa qarsy qyzmeti Túrkistan oblystyq balalar aýrýhanasynyń burynǵy bas dárigerine qatysty sotqa deıingi tergeý amaldaryn bastady. Tergeý nusqasyna saı, ol bıýdjetten 38,5 mln teńge jymqyrdy degen kúdikke ilindi. Aqsha ǵımarat pen aýrýhanaǵa nysanynyń aǵymdaǵy jóndeýi boıynsha kórsetiletin qyzmet syltaýymen úlestes kompanııalar arqyly alynǵan», - dedi Sybaılas jemqorlyqqa qarsy is-qımyl agenttigi tóraǵasynyń orynbasary Shyńǵys Qabdolla agenttikte ótken brıfıngte.

Eske sala ketsek, Shyńǵys Qabdolla buǵan deıin Atyraý oblysynda perzenthana ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingeni habarlaǵan bolatyn.

Osy oqıǵaǵa baılanysty Densaýlyq saqtaý mınıstri Eljan Birtanov Atyraý oblystyq Densaýlyq saqtaý basqarmasynyń basshysyn jumystan shyǵarýdy surap otyr.