Túrkistanda aýrýhanaǵa túsken adam turǵyndardan kómek surady
ShYMKENT. QazAqparat - Túrkistanda aýrýhanaǵa túsken adam esin joǵaltyp, kim ekenin bilmeı qalǵan. Búginde tórt aıdan beri tıisti emdik sharalar qabyldap jatqan naýqas óziniń kim ekenin bilý úshin turǵyndardan kómek suraǵan. Bul týraly qalanyń prokýrory Rýslan Ábdiraıymov áleýmettik jelidegi paraqshasynda jazdy, dep habarlaıdy QazAqparat HAA tilshisi.
«13 mamyr 2017 jyldan beri Túrkistan qalasy, Maıdantal aýylynan HQTÝ-nyń klınıkasyna qan qysymymen (sýrette kórsetilgen) azamat kelip túsken bolatyn. Búginge jalpy densaýlyǵy jaqsy, alaıda aty-jónin jáne kim ekenin aıtyp bere almaýda. Onyń kim ekenin izdeý isteri jáne surastyrý jumystary boljam boıynsha Esmýrzaev bolýy múmkin degen aqparat bar. Sondyqtan tanyǵandar bolsa jáne kim ekenin biletin azamattarǵa ótinish, ishki ister basqarmasyna nemese qalalyq prokýratýraǵa xabar berýdi suraımyz»,- dep jazady Rýslan Ábdiraıymov.
