Túrkistanda aýlada oınap júrgen 3 jasar búldirshin joǵalyp ketken
TÚRKІSTAN. QazAqparat - Túrkistanda aýlada oınap júrgen 3 jasar búldirshin joǵalyp ketken. Balany ózderi taba almaǵan soń ata-anasy polıtsııaǵa aryzdanǵan, dep habarlaıdy QazAqparat tilshisi.
Túrkistan oblystyq PD baspasóz qyzmetiniń málimetinshe, oqıǵa ornyna jedel tergeý toby jetken.
«Joǵalǵan balany izdeýge qalalyq polıtsııa basqarmasynyń tolyq quramy jumyldyrylǵan. Tártip saqshylary sol aýlanyń mańyn qarap shyǵyp, jaqyn mańda da izdeý sharalaryn júrgizgen. Nátıjesinde búldirshin Túrkistannyń bir kóshesinen tabylǵan» delingen habarlamada.
Tekserý kezinde balaǵa eshqandaı zaqym kelmegeni anyqtalǵan. Óz kezeginde perzentiniń tabylǵanyna qatty qýanǵan ata-ana Túrkistan qalalyq polıtsııa basshylyǵy men qyzmetkerlerine alǵystaryn bildirdi.
