Túrkistanda áýendi sýburqaq salynyp jatyr
TÚRKІSTAN. QazAqparat - Túrkistan qalasynyń oblys ortalyǵy ataný qurmetine Shyǵys Qazaqstan oblysynyń ákimdigi jaryq mýzykalyq sýburqaq nysanyn syıǵa tartpaq, dep habarlaıdy QazAqparat qala ákiminiń baspasóz qyzmetine silteme jasap.
Sáýir aıynyń sońynda bastalǵan qurylys alańyndaǵy jumys qarqyny qyzý.
«MK korporeıshn» kompanııasynyń ýchaske bastyǵy Janat Qanapınniń aıtýynsha, jumysshylar qaýipsizdigi men sapa máselesi birinshi orynda.
Shymkent jáne Túrkistan qalalarynda óndiriletin qurylys materıaldaryn paıdalanyp otyrǵan merdiger kompanııa ókilderi Nur-Sultan qalasynan arnaıy kelgen. Eki aýysymda júrgizilip jatqan qurylysqa jergilikti 33 azamat jumysqa tartylǵan.
Áýendi sýburqaqtyń kólemi 3 891 sharshy metrdi quraıdy. Ústimizdegi jyldyń qazan aıynda qurylysy tolyq aıaqtalady dep josparlanǵan nysan 30-tamyz - Konstıtýtsııa kúni qarsańynda paıdalanýǵa beriledi.
