Túrkistanda aýdaryspaqtan respýblıkalyq týrnır ótti
TÚRKІSTAN. QazAqparat - Aýdaryspaqtan «Túrkistan oblysy ákiminiń kýbogine» arnalǵan ashyq respýblıkalyq týrnır ótti. Ulttyq sporttyń kóshin bastaǵan sport túrinen ótken jarysqa elimizdiń eń tańdaýly degen balýandary qatysyp, baqtaryn synady, dep habarlaıdy QazAqparat óńir basshysynyń baspasóz qyzmetine silteme jasap.
Bıylǵy týrnırdiń erejeleri ózgergen. Ótken jyly tórt salmaq dárejesi boıynsha balýandar jekeleı kúsh synassa, bıyl segiz salmaqta komandalyq jeńimpazdardy anyqtady. Jarystyń eń basty maqsaty - ulttyq sportymyzdy óskeleń urpaqqa dáripteý.
Bul saıysqa Túrkistan oblysynyń quramasy joǵary deńgeıde daıyndyqpen kelgenin taǵy da kórsetti. Elimizdiń ulttyq sport qaýymdastyǵynyń bas hatshysy Nursultan Ibragımov bul týrnırdiń jastar úshin berer paıdasy mol ekenin atap ótti.
Kópten kútken dúbirli dodaǵa sportshylar da asqan daıyndyqpen kelip, jarys kórkin qyzdyrdy. Saıys qorytyndysymen túrkistandyqtar 5 altyn, bir kúmis jáne úsh qola medal enshilep, «Túrkistan oblysy ákimi kýbogine» arnalǵan jarysta komandalyq birinshi oryndy jeńip aldy. Al, Qyzylorda oblysynan kelgen jigitter úsh kúmis, bir qola alqany oljalap, komandalyq ekinshi oryndy ıelendi. Jambyl oblysynyń quramasy eki kúmis medal enshilep júldeli úshinshi oryndy qanaǵat tutty.
