Túrkistanda ata-analar balasynyń mektepte ne iship-jegenin telefonnan kórip otyrady

TÚRKІSTAN. QazAqparat- Túrkistan qalasyndaǵy mektepterde «E-ashana» júıesi iske qosylady, dep habarlaıdy QazAqparat tilshisi.

Pılottyq jobaǵa Tóle bı atyndaǵy №19 jalpy orta mektebi men №28 mektep-lıtseıi tańdap alynǵan.

Munda ata analar balalarynyń mektepte qandaı sýsyn nemese taǵam tutynǵanyn uıaly telefondaǵy qosymsha arqyly kóre alady.

«Júıeniń paıdasy kóp ekendigi kórinip-aq tur. Arnaıy mamandar mektepterde qurylǵylardy tanystyrdy. Endi túrkistandyq balalar tsıfrlyq júıege úırenýi kerek», - deıdi Túrkistan qalasy adamı áleýetti damytý bóliminiń basshysy Orazkúl Qoldasova.

«E-ashana» jobasynyń menedjeri Álibek Qaldybekovtiń aıtýynsha, ata-ana balany júıege tirkegennen soń QR-kod beriledi.

Onda balanyń kúndelikti tamaqtanýyna arnap aı saıyn nemese kún saıyn múmkindigine qaraı aqsha salyp qoıýǵa bolady.

Oqýshy ashanada sol QR-kod arqyly tólem jasap, eseptese alady.