Túrkistanda áskerıler órtengen úıden úsh adamdy qutqardy
TÚRKІSTAN. QazAqparat - Túrkistan oblysyndaǵy aýmaqtyq ásker qatarynda qyzmet etip júrgen jigitter otqa oranǵan páterden úsh adamdy alyp shyqty, dep habarlaıdy QazAqparat Óńirlik kommýnıkatsııalar qyzmetine silteme jasap.
«Efreıtor Shahrýh Jýrabekov, qatardaǵy jaýynger Maqsat Jumanazarov jáne Túrkistan qalalyq polıtsııa basqarmasynyń jergilikti polıtsııa qyzmetkeri, ýchaskelik polıtsııa ınspektory Ádilbek Marhabaı «Otyrar« móltekaýdanyndaǵy úılerdiń birinen shyqqan órtten úsh azamatty qutqardy», delingen habarlamada.
Bul jigitter tótenshe jaǵdaıǵa baılanysty áskerı mindettilerdi arnaıy jıynǵa shaqyrý jónindegi Memleket basshysynyń Jarlyǵyna sáıkes, Túrkistan oblysynda jasaqtalǵan aýmaqtyq ásker qatarynda qyzmet etip júr.
Kópqabatty aýlalardy aralap júrgen patrýl qyzmetkerleri kómekke shaqyrǵan daýysty estıdi. Shuǵyl oqıǵa ornyna jetken áskerıler órtenip jatqan úıden egde jastaǵy eki qarııa men onyń qyzyn qutqarǵan. Jedel-járdem shaqyryp, zardap shekkenderge medıtsınalyq qyzmet kórsetýge atsalysqan. Abyroı bolǵanda, úı ıeleri zardap shekpegen.
Belgili bolǵandaı, órt gazdaǵy qatty qyzǵan maıdan shyqqan.
