Túrkistanda ashyq aspan astynda praımerız pikirtalasy ótip jatyr
Túrkistan qalasyndaǵy debat Qoja Ahmet ıAsaýı kesenesi mańyndaǵy amfıteatrda ótti. Erekshe orynda uıymdastyrylǵan pikirsaıysqa 6 úmitker qatysyp, óz biliktiligi men sózge sheshendikterin kórsetti. Kezinde talaı bıler keńesi ótkizilgen Túrkistan tórinde pikirsaıystar da joǵary deńgeıde ótkizildi.
Osy saıası dodaǵa arnaıy kelgen «Nur Otan» partııasy Túrkistan oblystyq fılıaly tóraǵasynyń orynbasary Beısen Tájibaev quttyqtaý sóz sóılep, qatysýshylarǵa sáttilik tiledi.
«Bir dáýirlerde ashyq aspan astyndaǵy amfıteatrlar kúsh saıysy ótetin oryndar bolsa, qazir kóne shaharda bul oryn oı saıystyratyn ortalyqqa aınaldy. Respýblıka boıynsha praımerızge úmitkerlerdiń 1144-i Túrkistan oblysynan qatysyp otyr. Sonyń ishinde Túrkistan qalasynan 106 úmitker baq synaýǵa bel baılapty. Mundaı debattardan tartynbaý kerek. Oı túkpirindegi josparlaryńyzdy, baǵdarlamalaryńyzdy ashyq aıtyp, jurtshylyqqa tanystyrǵan jón. Sizderdi ashyq básekede pikirsaıys talaby men erejesin saqtaı otyryp, joǵary deńgeıde pikir talastyrady dep senemin. Elbasynyń bastamasyn qoldap, Túrkistandy damytý baǵytynda eńbek sińiredi dep esepteımin. Qasıetti Túrkistan tórinde saıası qadamdy bastap, adaldyq pen adamdyqty tý etip shyǵatyndaryńyzǵa senimdimin. Barshańyzǵa sáttilik tileımin», – dedi Beısen Dáýletuly.
Daladaǵy erkin formattaǵy debat qatysýshylarǵa erekshe shabyt syılady. Olar kókeıde júrgen oılaryn aıtyp, bir-biriniń saılaýaldy baǵdarlamalary boıynsha suraqtaryn qoıdy.
«Ýáde berý – ońaı. Ony oryndaý bar. Keleshekte depýtat bolǵan tulǵalar da osy amfıteatrda, el aldynda esep berse», – deıdi praımerızge qatysýshylar.
Jalpy Túrkistan oblysynda 30 qyrkúıekke deıin 200-deı pikirsaıys uıymdastyrylyp, oǵan 1100-den astam kandıdat qatysýy kerek. Búginde 16 aýdan-qalada jarııa pikirsaıystar ótip jatyr.
