Túrkistanda alyp sý sporty kesheni salynady
TÚRKІSTAN. QazAqparat – Túrkistan oblysynyń ákimi Ómirzaq Shókeev elimizdegi eskek esý jəne jelken sporty boıynsha oqý-jattyǵý jıyndary ótetin Badam sý-qoımasy sport bazasynyń jumysymen tanysyp, sportshylarmen kezdesti, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Ámbebap oqý jattyǵý bazasy 130 adamǵa arnalǵan. 8 gektar aýmaqty alyp jatqan sport bazasynda jasandy kól, eki sport alańshasy, qaıyqtardy qajetti temperatýrada saqtaıtyn qoıma men jóndeý oryndary da bar. Túrkistan derbes oblys atanǵanda, oblystyq sport kesheni Shymkent qalasynyń úlesine ótken. Qazir munda Túrkistan oblysy men shymkenttik sportshylar jattyǵýda.
Halyqaralyq dárejedegi eskek esý kanaly Túrkistan qalasynda keler jyly salynady. Elimizde teńdesi joq olımpıadalyq sý kesheniniń eskızdik jobasyn oblys ákimi Ómirzaq Estaıuly maquldady. Eskek esý jəne baıdarka sporty boıynsha olımpıadalyq standartqa saı ortalyq 80 gektar alqapqa ornalasady. Osylaısha Qazaqstanda sý sport túrleriniń damýyna yqpal etip qana qoımaı, Túrkistanda joǵary deńgeıdegi jarystar ótkizýge múmkindik týady.
Sapbordıng, sý shańǵysy, flaıbordıng, veıkserfıng, kanopolo, dragonbot jáne jaǵajaı oıyndar fýtboly, voleıbol, gandbol, tennıs, regbı sekildi sý jáne jaǵajaı sportynyń tanymal túrlerin damytýǵa septigin tıgizetin sport kesheninde keńseler, qonaq úıler, saýda ortalyqtary, kafeler, sport jáne oıyn alańdary, akvapark, balalar attraktsıondary jáne taǵy bas nysandar ornalasady.
Túrkistan oblysynyń eskekshileri respýblıkada kósh bastap keledi. Qazaqstan ulttyq qurama komandasynyń músheleri 2021 jyly ótetin Tokıo olımpıadasynyń joldamasy úshin lıtsenzııalyq týrnırlerine joǵary deńgeıde daıyndyq jasaýda. Túrkistan oblysynan lıtsenzııalyq jarystarǵa eskek esýden Irına Klınova men akademııalyq eskek esý sportynan Vladıslav ıAkovlev, sonymen qatar parakonoeden elimizdiń eń daryndy sportshylary Jalǵas Taıkenov pen Bıbarys Spataı olımpıadanyń joldamasy úshin jarys jolyna shyǵady.
Eskek esý boıynsha 300-den astam túrkistandyq sportshy Azııa chempıonattary men Olımpıada oıyndardarynyń júldegerleri. 2012 jyly London qalasynda ótken Olımpıada oıyndarynda jáne 2016 jyly Brazılııada ótken dúbirli saıysta álemniń úzdik ondyqtar qataryna kirgen.
