Túrkistanda Alǵys aıtý kúni keń kólemde atalyp ótildi

TÚRKІSTAN. QazAqparat - Alǵys aıtý kúni oblys ortalyǵy Túrkistan qalasynda joǵary deńgeıde atalyp ótti. Taǵylymdy sharalar barysynda deportatsııa jyldary Qazaqstanǵa taǵdyr tálkegimen qonys aýdarǵan etnostardyń ótkeni men búgini jaıynda arnaıy kórme uıymdastyryldy, dep habarlaıdy QazAqparat tilshisi.

Q.A.ıAsaýı atyndaǵy HQTÝ Mádenıet ortalyǵyna jınalǵan kópshilik ár ulttyń ulttyq kıimderimen jáne mádenı ómirimen tanysty. Іs-shara Alǵys aıtý kúnine oraı uıymdastyrylǵan dóńgelek ústelmen jalǵasty. Oǵan Túrkistan oblysynan saılanǵan Qazaqstan halqy Assambleıasynyń músheleri, oblystyq etnomádenı birlestikter men olardyń jastar qanaty jetekshileri, oblystyq QHA janyndaǵy Qoǵamdyq kelisim, Analar keńesteri, ǵylymı - sarapshylyq top músheleri men BAQ ókilderi qatysty.

Jıyndy ashqan Túrkistan oblysy ákiminiń orynbasary Málik Otarbaev qatysýshylardy merekemen quttyqtap, Túrkistan oblysynan saılanǵan assambleıa múshelerine kýálikter tapsyrdy. Ataýly kúnniń mańyzdylyǵyna keńinen toqtalyp ótti. Al, etnomádenı ortalyq ókilderi deportatsııa jyldary qoldaý kórsetip, qorǵan bolǵan qazaq halqyna alǵys aıtty.

Sondaı-aq, oblystyq sheshen-ıngýsh etnomádenı birlestiginiń tóraǵasy Hasan Batsıev memleket pen óńirdiń damýy jolynda úles qosatyndyǵyn jetkizse, oblystyq túrik etnomádenı birlestigi janyndaǵy Analar keńesiniń tóraıymy Reıhan Alaıbekova eshýaqytta qazaq halqynyń qamqorlyǵy umytylmaıtynyn aıtty.

Jıyn sońynda deportatsııalyq saıasattyń saldary men kúshtep qonys aýdarylǵan azamattar týraly arnaıy daıyndalǵan beınerolık kórsetildi. Alǵys aıtý kúnine oraı uıymdastyrylǵan sharalar barysynda Q.A.ıAsaýı atyndaǵy HQTÝ stýdentteriniń arasynda esse jazý baıqaýy, mektepterde deportatsııa jyldary Qazaqstanǵa taǵdyr tálkegimen qonys aýdarǵan etnos urpaqtarynyń qatysýymen ashyq sabaqtar ótti.