Túrkistanda alǵash ret «Mahabbat, qyzyq mol jyldar» romany sahnalandy
TÚRKІSTAN. QazAqparat – Túrkistandaǵy Raıymbek Seıtmetov atyndaǵy sazdy-drama teatry alǵash ret «Mahabbat, qyzyq mol jyldar» shyǵarmasyn sahnalady. Spektekal Ázilhan Nurshaıyqov romanynyń jelisi boıynsha qoıyldy, dep habarlaıdy QazAqparat tilshisi.
Qoıylymdy Túrkistan oblysy ákiminiń orynbasary Sáken Qalqamanov pen oblystyq mádenıet basqarmasy basshysynyń orynbasary Ázimhan Qoılybaev bastaǵan zııaly qaýym ókilderi men qala turǵyndary jáne teatrdyń turaqty kórermenderi birge tamashalady. Roman jelisinde sonaý soǵystan keıingi jyldardyń oqıǵasy ıaǵnı, albyrt jastyq, romantıka, mahabbat taqyryby qozǵalady.
Aq pen qaranyń, adaldyq pen aramdyqtyń, sulýlyq pen dórekiliktiń qaıshylyǵy ómirdiń bitispes kúresi ekeni daýsyz. Spektaklde soǵystan aman qaıtqan Erbol men adal da, sulý, sezimi de ózi sekildi móldiregen Meńtaıdyń arasyndaǵy mahabbat arqyly jazýshy máńgi jastyqty beıneleıdi. Olardyń shynaıy sezimi men mahabbattary, bir birine degen adaldyǵyn sheber sýrettep kórsetedi. Spektaklde rólderdi somdaǵan ártisterdiń barlyǵy da keıipkerlerin shynaıy shyǵarýymen kórermenderdiń qoshemetine bólendi.
