Túrkistanda alǵash ret qurylysshylar forýmy ótti
TÚRKІSTAN. Qazaqparat – Túrkistanda alǵash ret qurylysshylar forýmy ótti. Basqosýda shahardaǵy qurylys jumystaryna otandyq taýarlardy qoldaný men qurylys materıaldaryn óndirýshiler arasynda baılanys ornatý máselesi sóz boldy, dep habarlaıdy QazAqparat tilshisi.
Sharaǵa elimizdiń túkpir-túkpirinen qurylysshylar, sáýlet jáne qala qurylysy mamandary men sáýletshiler, jobalaýshy kásiporyndar men kásipkerler qatysty. Forýmda otandyq ónimderdiń sapasyn kóterip, ony qoldaý qajettigi aıtyldy. Aldaǵy ýaqytta qarqyn alǵan qurylys jumystaryna otandyq ónimderdi molynan tartý úshin jergilikti kásipkerlermen baılanys ornatylatyn bolyp kelisildi. Aıta keteıik, Túrkistan qalasy oblys ortalyǵy atanǵaly qarqyndy qurylys alańyna aınaldy. Oblysta bıyl qurylys kólemi artyp, qazirdiń ózinde shaharda kópqabatty turǵyn úıler men birneshe ǵımarattardyń qurylysy júrip jatyr.
«Túrkistan oblysyda jan-jaqty qurylys, satyp alý júrýde. BI Group kompanııasymen birlesip jergilikti taýar óndirýshilerdi qoldaý maqsatynda den qoıyp otyrmyz. Kásipkerler otandyq taýar óndirýshilerdiń taýaryn alý kerek. Keı qurylys zattaryn biz shetelden alyp jatamyz. Týra sol jıhaz bizde de bar»,- deıdi Túrkistan oblystyq kásipkerler palatasy dırektorynyń orynbasary Berik Kenjebaev.
