Túrkistanda áleýmettik jelide belsendilik tanytyp júrgen ustazdar marapattaldy
TÚRKІSTAN. QazAqparat – Túrkistan qalasynyń ákimi Rashıd Aıýpov áleýmettik jelide belsendilik tanytyp júrgen ustazdardy marapattady. Qala ákimdiginiń kishi májilis zalynda ótken basqosýda Q.A.ıAsaýı atyndaǵy HQTÝ-diń, qalalyq bilim bóliminiń jáne bilim bólimine qarasty mektepterdiń qyzmetkerleri ákimniń alǵys hattaryna ıe boldy, dep habarlaıdy QazAqparat tilshisi.
Kezdesý aıasynda ustazdar qala ákiminiń búginde jasap jatqan eńbegi, qala damýy úshin qosyp jatqan úlesin atap ótti. Sondaı-aq, áleýmettik jelidegi belsendiligine, halyqtyń qamyn oılap, yńǵaıly ári jaıly orta qalyptastyrýdaǵy bastamalaryna zor rızashylyqtaryn bildirdi.
«Sizderdiń bul eńbekterińizdiń arqasynda aqparattyq keńistik, qoǵamdyq pikir qalyptasyp, adamı qundylyqtar buqaraǵa jetedi. Nátıjesinde, halyq qalada, aımaqta, memlekette jáne álemde bolyp jatqan oqıǵalardan, saıası jáne ekonomıkalyq protsesterden shynaıy aqparat alady. Qyzmette eńbekterińiz elenip, abyroılaryńyz arta bersin», – dedi Rashıd Aıýpov.
Basqosýda tek bilim salasy ǵana emes, alda atqarylatyn jemisti jumystar jaıly keńinen aıtyldy.
