Túrkistanda aqyn Altynshash Jaqııanovanyń shyǵarmashylyq keshi ótti
TÚRKІSTAN. QazAqparat – Túrkistanda aqyn Altynshash Jaqııanovanyń shyǵarmashylyq keshi ótti. Aqynnyń 60 jas mereıtoıy qarsańynda uıymdastyrylǵan jıynǵa qalalyq ishki saıasat bólimi uıytqy boldy, dep habarlaıdy QazAqparat tilshisi.
Qalamgerdiń týǵan jerine degen qurmeti esebinde ótken saltanatty sharany Qoja Ahmet ıAsaýı atyndaǵy HQTÝ dotsenti, aqyn-ǵalym Dosbol Islam ashyp, júrgizip otyrdy. Kesh barysynda aqynnyń sııasy keppegen óleń joldary oqylyp, «Sezimniń gúli» jyr jınaǵynyń tusaýy kesildi. Otty jyrlary oqyrman tarapynan joǵary baǵaǵa ıe bolǵan, poezııa áleminde ózindik orny bar tulǵany qala ákiminiń orynbasary Murat Bazarqulov arnaıy kelip quttyqtady. Aqynǵa shahar basshysynyń atynan alǵys hat tabystady. Kesh barysynda stýdentter aqynnyń óleńderin jatqa oqyp, mereıin ústem etti. Al, erekshe ıirimdermen órilgen jyrlar ádemi ánge arqaý bolyp keshtiń ajaryn asha tústi.
Aıta keteıik, QR Jýrnalıster men Jazýshylar odaǵynyń múshesi Altynshash Jumanqyzy 1959 jyly 30 qańtarda Túrkistan aýdanyna qarasty Maıdantal eldi mekeninde dúnıege kelgen. Ál-Farabı atyndaǵy QazMUÝ-niń jýrnalıstıka, QMQ PI-nyń tarıh-fılologııa fakýltetinde bilim alǵan.
Kóp jyldar boıy óz mamandymen eńbek etip, keıinnen ustaz retinde shákirt tárbıelegen. Qazirgi tańda aqynnyń 20-ǵa jýyq kitaby jaryq kórip, 30-dan asa óleńderine ánder jazylǵan. Bul ánderi tyńdarmandardyń júreginen oryn alǵan.
