Túrkistanda «Aqyldy kvartal» jobasy júzege asyrylyp jatyr
TÚRKІSTAN. QazAqparat - Túrkistan oblysynda Tsıfrlandyrý ortalyǵy otandyq IT-júıelerin ázirleýshilermen birlesip, birneshe pılottyq jobany júzege asyrýda. Bul týraly Óńirlik kommýnıkatsııalar qyzmetinde ótken brıfıngte Túrkistan oblysynyń Tsıfrlandyrý ortalyǵynyń basshysy Asylbek Janǵulov málimdedi, dep habarlaıdy QazAqparat tilshisi.
Asylbek Janǵulovtyń aıtýynsha, aǵymdaǵy jyldyń jeltoqsan aıynda Túrkistan qalasynyń qoǵamdyq kólikterinde elektrondy bıletteý júıesi jumysyn bastaıdy. Sonymen qatar, oblys ortalyǵyndaǵy «Otyrar» shaǵyn aýdanynda kóppáterli 10 úıdi qamtıtyn «Aqyldy kvartal» jobasyn júzege asyrý boıynsha belsendi jumystar júrip jatyr.
Sondaı-aq, oblystyq PD-men birigip, qaýipsizdik pen beınebaqylaýdy qamtamasyz etý boıynsha jobalar júzege asyrylýda. Aǵymdaǵy jyldyń sońyna deıin oblystyq TJD úshin «112» avtomattandyrylǵan júıesin qoldanysqa engizý kózdelip otyr.
«Tsıfrlandyrý jobalaryn úılestirýdi, saraptamalyq qoldaýdy jáne ózara yqpaldastyrýdy qamtamasyz etý úshin Túrkistan oblysy ákimdigi «Túrkistan» ÁKK» AQ bazasynda 2018 jyly qazan aıynda tsıfrlandyrý ortalyǵyn qurdy. Qazirgi ýaqytta Tsıfrlandyrý ortalyǵy «Tsıfrlyq Qazaqstan» memlekettik baǵdarlamasyn júzege asyrý sheńberinde 15-ten astam halyqaralyq jáne qazaqstandyq IT kompanııalarmen yntymaqtastyq týraly memorandýmdarǵa qol qoıdy. Atqarylǵan is-sharalar Túrkistan oblysyna salynatyn ınvestıtsııa kólemin 30 mln AQSh dollaryna jetkizip, IT-mamandar úshin qosymsha jumys oryndarynyń ashylýyna septigin tıgizedi dep kútilýde», - dedi Asylbek Janǵulov.
Sondaı-aq, tsıfrlandyrý ortalyǵy memlekettik organdardyń mamandaryna, oblystyq, aýdandyq jáne qalalyq ákimdikterge tsıfrlandyrý boıynsha jol kartalaryn ázirleýde qoldaý kórsetedi. Túrkistan oblysynyń barlyq qalalarynyń ishinde alǵash bolyp Túrkistan oblysyndaǵy tsıfrlandyrý baǵdarlamasyna Saryaǵash qalasy qosyldy. Tsıfrlandyrý ortalyǵymen birge aqyldy qala - Sary Agash Digital jobasy ázirlendi.
Aıta keteıik, 2021 jylǵa deıin eseptelgen jobalar portfelinde 28 joba bar. Olar qalany tıimdi basqarý jáne osy protseske azamattardy tartýdy qamtamasyz etpek. Tsıfrlandyrý ortalyǵynyń aldaǵy jospary - Ulttyq Geoaqparattyq júıeniń bir bóligi retinde Túrkistan oblysynyń Biryńǵaı geoportalyn qurý, sonymen birge Túrkistan oblysyn tsıfrlandyrýǵa nıetti otandyq IT kompanııalarǵa tsıfrlandyrý jobalaryn júzege asyrý úshin biryńǵaı servıstik model usyný.
