Túrkistanda Ahmet ıAsaýı kesenesiniń janyndaǵy meıramhana órtendi

TÚRKІSTAN. QazAqparat - Túrkistandaǵy Qoja Ahmet ıAsaýı kesenesiniń janyndaǵy «Jeti tandyr» meıramhanasy órtendi. Tilsiz jaý qoǵamdyq tamaqtaný ornynyń 400 sharshy metr aýmaǵyn sharpyǵan, dep habarlaıdy QazAqparat tilshisi.

QR TJD baspasóz qyzmetiniń málimetinshe, jalyn ǵımarattyń ekinshi qabatynan shyqqan.

Sóıtip ǵımarattyń shatyryna qaraı ótken.

«Órtti sóndirýge Túrkistan oblysy TJD, apattar medıtsınasy ortalyǵynyń 28 qyzmetkeri men 11 tehnıkasy jumyldyryldy. Órt saǵat 12.50-de oqshaýlandy. Órt kólemi naqtylanyp jatyr. Oqıǵa ornynda jedel shtab uıymdastyryldy. Ákimshiliktiń aıtýynsha, órt sóndirý bólimsheleri kelgenge deıin kelýshiler ǵımarattan óz betinshe shyǵyp ketken. Zardap shekkender týraly aqparat túsken joq» delingen habarlamada.