Túrkistanda Ahmet Baıtursynulynyń 150 jyldyǵyna arnalǵan túrkitanýshylar kongresi ótti

TÚRKІSTAN. QazAqparat –Búgin Túrkistan qalasynda Ahmet Baıtursynulynyń 150 jyldyq mereıtoıyna arnalǵan halyqaralyq túrkitanýshylar kongresi ótti. Bul týraly QR Ǵylym jáne joǵary bilim mınıstrliginiń baspasóz qyzmetinen málim etti, dep habarlaıdy QazAqparat tilshisi.

Sharaǵa ıÝNESKO, TÚRKSOI halyqaralyq uıymdardyń ókilderi men Túrkııa, Ázerbaıjan, Ózbekstan men Reseı ǵalymdary qatysty. Kongrestiń ashylý saltanatynda Túrkistan oblysynyń ákimi Darhan Satybaldy Memleket basshysy Qasym-Jomart Toqaevtyń qatysýshylarǵa arnaǵan quttyqtaý sózin oqydy.

«Ult ustazy atanǵan Ahań túbi bir, tarıhy tamyrlas elder úshin asa qundy ǵylymı-tanymdyq mura qaldyrdy. Sol sebepti ony barsha túrki jurty qurmet tutady. Ázerbaıjan, bashqurt, ózbek, túrik halyqtarynyń belgili ǵalymdary bas qosqan búgingi kongress sonyń aıqyn dáleli», - delingen Prezıdenttiń quttyqtaý sózinde.

Shara barysynda 4 tilde jaryq kórgen Ahmet Baıtursynulynyń tańdamaly shyǵarmalarynyń jáne fılologııa ǵylymdarynyń doktory Almasbek Ábsadyqtyń «Sert», «Ustaz joly» kitaptarynyń tusaýkeseri ótti.

Kongress sońynda arnaıy qarar qabyldanyp, Túrkııa men Ózbekstan ǵalymdary «Ahmet Baıtursynuly» tósbelgisimen marapattaldy.