Túrkistanda «Adam jáne tabıǵat» atty fotokórme ótti
TÚRKІSTAN. QazAqparat - Túrkistanda búkilálemdik qorshaǵan ortany qorǵaý kúnine oraı «Adam jáne tabıǵat» ekologııalyq estafetalyq fotokórmesi ótti. Kórmeni oblystyq «Rýhanı jańǵyrý» jobalyq keńsesi men «Syrdarııa-Túrkistan» óńirlik tabıǵı parki uıymdastyrdy, dep habarlaıdy QazAqparat tilshisi.
Jasóspirimder men eresekterdiń ekologııalyq saýattylyǵyn arttyrýǵa baǵyttalǵan kórme balalardy tabıǵat-anaǵa súıispenshilikpen qaraýǵa baǵyttaldy. Onda «Adam jáne tabıǵat» atty taqyrypta qoǵamǵa oı salatyn sýretter kórermen nazaryna usynyldy. Bul sýretterde adam qolymen tabıǵatqa jasalǵan qastandyq, jer betindegi kúl-qoqystar men óndiristik qaldyqtardyń jan-janýarlarǵa tıgizgen zardamy kórinis tapqan.
Sonymen birge ózen-kólderdiń, aýanyń lastanýy, ósimdik áleminiń zardap shegýi de sýretterge arqaý bolǵan. Fotokórmeni ótkizýge óńirdegi birneshe basqarmanyń mamandary atsalysyp, qorshaǵan ortany qorǵaý jónindegi bastamaǵa qoldaý kórsetti.
«Syrdarııa-Túrkistan» óńirlik tabıǵı parki men bilim basqarmasynyń jaýapty mamandary, qala turǵyndary men mektep oqýshylary, kolledj stýdentteri qatysqan kórmede tabıǵatty qorǵaý men aınalany taza ustaý jóninde oı qozǵaldy. Ony Túrkistan qalasynyń turǵyndarymen birge Q.A.ıAsaýı kesenesine kelgen qonaqtar da tamashalady.
Aıta keteıik, oblys ortalyǵy - Túrkistannan bastaý alǵan fotokórme aldaǵy ýaqytta barlyq aýdan, qala kóleminde bekitilgen kestege sáıkes uıymdastyrylmaq.
