Túrkistanda adaldyq qundylyǵyna negizdelgen «Ádil sóılep, adal júr» atty jańa mýral salyndy

TÚRKІSTAN. QazAqparat – Túrkistanda adaldyq qundylyǵyna negizdelgen «Ádil sóılep, adal júr» atty jańa mýral salyndy. Bul bastama QR Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamentiniń janynan qurylǵan «Túrkistan - adaldyq alańy» jobalyq keńsesi men Túrkistan qalalyq ákimdiginiń qoldaýymen júzege asyryldy, dep habarlaıdy QazAqparat tilshisi.

Oblys ortalyǵyndaǵy «Otyrar» yqshamaýdanynda oryn tepken kópqabatty turǵyn úıdiń qabyrǵasyna qazaq dalasynyń tól perzenti, túrki halyqtarynyń uly oıshyly Qoja Ahmet ıAsaýıdyń beınesi keskindelgen. Bıiktigi 15 metrdi quraıtyn kompozıtsııanyń negizgi ereksheligi uly aqynnyń «Ádil sóılep, adal júr» degen tereń tárbıelik mazmunǵa ıe danalyq sózine negizdelip salynǵan.

Agenttiktiń Túrkistan oblysy boıynsha Departamenti basshysynyń birinshi orynbasary Mıras Qarǵabaıdyń aıtýynsha, bul jańa týyndy qala turǵyndarynyń arasynda ádildik pen adaldyq qaǵıdattarynyń keń dáriptelýine jáne óskeleń jas urpaqtyń ónegeli jolǵa baǵyt burýyna negiz bolmaq. Ahmet ıAsaýı babamyzdyń ǵıbratty asyl sózderinen bastaý alǵan bul keleli bastama aldaǵy ýaqytta Túrkistan oblysyna qarasty barlyq aýdan-qalalarda óz jalǵasyn tappaq.