Túrkistanda «Adal urpaq» erikti mektep klýbtarynyń sleti ótti

TÚRKІSTAN. QazAqparat -Búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti men oblystyq bilim basqarmasynyń uıymdastyrýymen Túrkistan qalasynda «Adal urpaq» eriktiler klýbtarynyń oblystyq sleti ótti, dep habarlaıdy QazAqparat tilshisi.

Jıynǵa oblystyq bilim berý uıymynyń basshylary men oblystyń barlyq 16 aýdanynan kelgen 800-den asa «Adal urpaq» erikti mektep klýbtarynyń músheleri qatysty.

Jıynda sóz sóılegen departament basshysy Ǵalym Tursynbaev sharanyń adamgershilik pen ulttyq qundylyqtar negizinde óskeleń urpaqtyń boıyna sybaılas jemqorlyqqa qarsy mádenıetti qalyptastyrý maqsatynda uıymdastyrylǵanyn atap ótti.

«Eldiń erteńi bolashaq urpaǵymyzdy kishkentaıynan otansúıgishtikke, bilim men eńbekke umtylýǵa, adaldyqqa tárbıeleý paryzymyz. Bul sezimder bizdiń halqymyzda ejelden bar qasıet. Sondyqtan árbir ata-ana, árbir ustaz balalar úshin laıyqty úlgi bolýǵa, naǵyz qasterli qasıetterdi tańdaýǵa kómektesýi qajet» - dedi Ǵalym Tursynbaev.

Sondaı-aq, ol bilim basqarmasymen birlesip uıymdastyryp otyrǵan oblystyq slette barlyq ustazdarǵa oqýshylardyń boıyna adaldyq pen rýhanı baılyqty darytýda qosyp júrgen eńbekteri úshin alǵys bildirip, balalarǵa adaldyq pen meıirimdilik jáne jaýapkershilik qasıetterin qalyptastyrýda ata-analary men ustazdaryn úlgi etýge shaqyrdy.

Іs-shara barysynda «Adal urpaq» erikti mektep klýbtary, ıaǵnı 16 aýdan oqýshylary arasynda sherý, fleshmob, qolónershiler kórmesi, shahmat oıyny, sýret salý jáne beınerolık konkýrsy ótip, nátıjesinde jeńimpazdar anyqtalyp, olarǵa syılyqtar men grammotalar tapsyryldy.