Túrkistanda 800 sharshy metr jıhaz shyǵaratyn sheberhana órtenip ketti
TÚRKІSTAN. QazAqparat – Túrkistanda jıhaz shyǵaratyn sheberhana órtendi, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, órt búgin kúndiz saǵat 15:26-da tutanǵan. Oqıǵa ornynda jedel shtab toby qurylyp, jumys isteýde. Órt saǵat 16:36-da oqshaýlandy.
«Órt sóndirýshiler oqıǵa ornyna kelip jetken boıda, qoımada jıhaz zattarynyń órtenip jatqany anyqtaldy. Órttiń kólemi aldyn ala boljam boıynsha 800 sharshy metrdi quraǵan. Al, qoımanyń jalpy aýdany 2300 sharshy metr. Qaza bolǵandar men zardap shekkender joq. Órttiń shyǵý sebebi anyqtalýda» delingen habarlamada.
Jergilikti halyq jumylyp, sheberhanadaǵy zattardy syrtqa shyǵarýǵa kómektesti. Aıta keteıik, sheberhana jeke úılerdiń ortasynda ornalasqandyqtan turǵyn úılerge qaýip týǵan.
