Túrkistanda 8 myńnan asa turǵyn baspana kezeginde tur
TÚRKІSTAN. QazAqparat - Túrkistan qalasynda qazirgi tańda 162 myń halyq turady. 8 myńnan asa turǵyn baspana kezeginde tur. Osyǵan oraı qalada 660 páterli 11 turǵyn úıdiń qurylysy júrip jatyr, dep habarlaıdy QazAqparat tilshisi.
Oblystyq qurylys basqarmasy basshysynyń orynbasary Toqtar Úsipálıevtiń sózinshe, «Otyrar» móltek aýdanynda boı kóterip jatqan baspanalar «Nurly jer» baǵdarlamasy aıasynda salynyp otyr. Bes qabatty úılerdiń árqaısysy 60 páterli bolady. 4 mlrd 102 mln teńgege salynyp jatqan baspanalar birinshi kezekte áleýmettik jaǵynan az qamtylǵan otbasylar men ata-ana qamqorlyǵynsyz qalǵan jetim balalarǵa, apatty úı turǵyndaryna jáne bıýdjettik sala qyzmetkerlerine berilmek.
Sondaı-aq jyldar boıy turǵyn úı kezeginde turǵan azamattar qol jetkizedi. Budan bólek oblys ortalyǵynda jeke ınvestordyń esebinen 360 páterli 6 nesıelik turǵyn úı boı kóteredi. 9 úıdiń qurylysy bastalmaq. Qazir úı salynatyn oryndarǵa ınfraqurylymdyq jelileri tartylyp jatyr. Jańa baspanalarǵa turǵyndar keler jyly kiredi dep kútilýde. Osy jumystar tolyǵymen aıaqtalǵa 1560 otbasy baspanaly bolmaq.
