Túrkistanda 7 jasar búldirshin besinshi qabattan qulap ketti
ShYMKENT. QazAqparat - Túrkistanda 7 jasar qyz bala besinshi qabattan qulap, kóz jumdy. Bul týraly óńirdiń TJD baspasóz qyzmeti habarlady, dep habarlaıdy QazAqparat tilshisi.
Departamenttiń baspasóz qyzmeti habarlaýynsha, oqıǵa keshe 7 maýsym kúni kúndizgi saǵat 16:48-der shamasynda bolǵan.
«Túrkistan qalasynda 1-móltek aýdandaǵy bes qabatty turǵyn úıdiń 5-qabatyndaǵy terezeden 2011 jyly týǵan qyz bala abaısyzda qulap ketip, qaıtys bolǵan» delingen habarlamada.
Aıta keteıik, dál osyndaı qaıǵyly jaǵdaı 6 maýsym kúni Shymkent qalasyndaǵy Teriskeı móltek aýdanynda da oryn alǵan bolatyn. Onda bes qabatty úıdiń úshinshi qabatynan úsh jasar búldirshin abaısyzda qulap ketip, qaıtys boldy. Keıinnen belgili bolǵandaı, kishkentaı qyz terezedegi torǵa súıenip turǵan kezde qulap ketken.
