Túrkistanda 6,5 mıllıon teńge aıyppuly bar júrgizýshi anyqtaldy

TÚRKІSTAN. QazAqparat - Túrkistanda 6,5 mıllıon teńge aıyppuly bar júrgizýshi anyqtaldy, dep habarlaıdy QazAqparat tilshisi.

Shymkent qalasynyń jeke sot oryndaýshylary tarapynan Jedel basqarý ortalyǵyna aıyppul quny 6,5 mln teńgege jetken kólikti anyqtap berý týraly suranys túsken. Al, tártip saqshylary sol kúni-aq beınebaqylaý kameralary arqyly is-sharalar keshenin júrgizip, kúmándi kólikti Túrkistan qalasyndaǵy kóshelerdiń birinen toqtatty.

«Boryshkerdiń avtokóligi aıypturaqqa qoıyldy. Jalpy, jyl basynan beri polıtseıler beınebaqylaý kameralarynyń kómegimen bereshekteri men ákimshilik aıyppuldaryn tóleýden jaltarǵan 20-dan astam avtokólik ıesin anyqtady» - deıdi Túrkistan oblysy polıtsııa departamentiniń baspasóz hatshysy Gúlnar Ábdijapparova.