Túrkistanda 5 myń káýap pisirilip, kópshilikke taratyldy

TÚRKІSTAN. QazAqparat - Túrkistan oblysynyń qurylǵanyna 5 jyl tolýyna oraı 5 myń dana káýap ázirlendi, dep habarlaıdy QazAqparat tilshisi.

Túrkistanda «Qazaqstan – dostyq mekeni» atty merekelik is-shara ótti.

Túrkistan oblysynyń qurylǵanyna 5 jyl tolýyna jáne 1 mamyr – Qazaqstan halqynyń birligi kúnine oraı uıymdastyrylǵan jıynda kópshilik etnomádenı birlestikterdiń ulttyq taǵamdary men qolóner kórmesin tamashalady.

Merekelik is-sharada eldiń rýhyn kóteretin ánder shyrqaldy. Qazaqtyń bı óneri dáriptelip, Súgirdiń termesi oryndaldy.

Sonymen birge baýyrlas halyqtardyń ulttyq ánderi de merekeniń ajaryn asha tústi.

Taıqazan úlgisindegi 100 metrlik mangal qurylyp, onda 30 aspaz birigip, dámi til úıiretin káýap pisirdi.

Jurtshylyq birlik pen yntymaq dastarqanynan dám tatty.

Dostyq pen birlik, izgilik pen eńbek nasıhattalǵan saltanatty jıynda Túrkistan oblysynyń ákimi Darhan Satybaldy kópshilikti merekemen quttyqtady.

«Sizderdi 1 mamyr – Qazaqstan halqynyń birligi kúni merekesimen shyn júrekten quttyqtaımyn! Birlik pen yntymaq memleketimizdiń turaqty damýyna jol bastaıdy. Birliktiń arqasynda elimiz áleýmettik-ekonomıkalyq jáne saıası turaqtylyqqa qol jetkize bildi. Bıyl Túrkistan oblysynyń qurylǵanyna 5 jyl tolyp otyr. Osy qysqa ǵana ýaqytta oblys pen Túrkistan qalasynyń jańa dáýiri bastaldy», dedi Darhan Satybaldy.

Merekelik keshte Shámshi Qaldaıaqov atyndaǵy oblystyq fılarmonııa ónerpazdary jurtshylyqty ónerimen tánti etse, mereke «Týǵan jer», «Birligimiz jarasqan» ánderimen túıindeldi.