Túrkistanda 5 metrlik káýap daıyndaldy
TÚRKІSTAN. QazAqparat – Túrkistanda uzyndyǵy 5 metrlik káýap daıyndalyp, qonaqtarǵa taratyldy. Sondaı-aq, bir qazanda jeti túrli palaý demdeldi. Erekshe taǵamdar festıvalin Túrkistan oblystyq týrzım basqarmasy men qalalyq kásipkerlik bólimi uıymdastyrdy, dep habarlaıdy QazAqparat tilshisi.
Kóne shahardaǵy festıvalge 12 dámhana men meıramhana, kondıterlik ónimder shyǵaratyn 7 tseh qatysty. Kásipkerlik nysandar qonaqtarǵa túrli taǵamdar usyndy. Máselen, qatysýshylardyń biri uzyndyǵy bes metrlik káýap ázirleý arqyly kópshilikti tań qaldyrdy.
Aspazdardyń aıtýynsha, dámdi káýap ettartqyshtan ótken (farsh) jáne kesektelip týralǵan etten pisirilgen.
Sharanyń maqsaty - kıeli qalaǵa kelgen týrısterge túrli taǵamdar usynyp, esten ketpes estelikter qaldyrý. Jeńimpaz atanǵan qatysýshyǵa bıznesin damytý úshin jer telimi berilmek.
