Túrkistanda 300 myńnan astam qyzǵaldaq gúldep tur
TÚRKІSTAN. QazAqparat - Túkistanda 300 myńnan astam qyzǵaldaq gúldep tur, dep habarlaıdy Túrkistan oblysy ákimdiginiń baspasóz qyzmeti.
Baspasóz qyzmetiniń habarlaýynsha, ótken jyldyń jeltoqsan aıynda oblys ortalyǵy Túrkistanda qyzǵaldaqtyń 3 túrinen 300000-nan astam túp otyrǵyzylǵan. Qazirgi tańda japyraq jaıyp, tolyq gúldegen qyzǵaldaq qalanyń kórkin asha túsken. Alqyzyl gúlder qaladaǵy Almaty alańyna jáne B.Sattarhanov dańǵyly men Ámir Temir, Tynyshtyqulov kósheleriniń boıy men Qoja Ahmet ıAsaýı meshitiniń mańaıyna otyrǵyzylǵan.
Sondaı-aq, sáýir-mamyr aılarynda qalaǵa 350 000 túp sándik dekoratıvti gúl túrlerin otyrǵyzý josparlanyp otyr.
Qosymsha qala tazalyǵyn qamtamasyz etý maqsatynda senbilikter uıymdastyrylyp, qaladaǵy mekemelerdiń qyzmetkerleri men úkimettik emes uıymdardyń músheleri óz úlesterin qosyp, aǵash otyrǵyzýǵa atsalysýda.
