Túrkistanda 300 adam jınalǵan úılený toıy toqtatyldy
TÚRKІSTAN. QazAqparat - Túrkistan oblysynda 300 adamnyń qatysýymen ótip jatqan úılený toıy toqtatyldy, dep habarlaıdy QazAqparat.
Qazaqstanda koronavırýstyń taralýyna jol bermeý jónindegi QR Úkimeti janyndaǵy vedomstvoaralyq komıssııanyń aqparatyna sáıkes, Túrkistan oblysynyń Saryaǵash qalasyndaǵy «Káýsar hol» toıhanasy shekteý sharalary engizilgennen bastap birneshe ret toı-jıyndar ótkizgen. Solaısha, Bas memlekettik sanıtarııalyq dárigerdiń qaýlylaryn óreskel buzǵan.
Sondaı sharalardyń biri 28 qańtar kúni ótken. Mobıldi monıtorıngilik toptar júrgizgen jospardan tys tekserý barysynda saǵat 15:30 shamasynda 300 adamǵa úılený toıy ótkizilip jatqanyn anyqtaǵan.
«»Baıgazıeva« JK-ǵa qatysty QR Densaýlyq saqtaý mınıstriniń 2020 jylǵy 5 shildedegi «Sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy uıymdastyrý men júrgizýdiń keıbir máseleleri týraly» № QR DSM-78/2020 buıryǵyna sáıkes ákimshilik quqyq buzýshylyq is qozǵalyp, 230 AEK kóleminde aıppul salyndy.
Qazirgi ýaqytta Saryaǵash qalasynyń Sanıtarııalyq-epıdemıologııalyq baqylaý basqarmasynyń qyzmetkerleri atalǵan toıhananyń jumysyn toqtatý boıynsha ekonomıkalyq sotqa talap aryz daıyndaýda», - delingen aqparatta.
