Túrkistanda 200-ge jýyq eriktiler uıymynyń kóshbasshylary bas qosty

TÚRKІSTAN. QazAqparat - Túrkistan oblystyq qoǵamdyq damý basqarmasynyń uıymdastyrýymen «Báısheshek» lagerinde «Jastar eriktilik basqarý» taqyrybynda eki kúndik oqý lageri ótti, dep habarlaıdy QazAqparat Túrkistan oblystyq óńirlik kommýnıkatsııa qyzmeti.

Shara – bıylǵy «Jastar jylyn» qorytyndylaý jáne QR Prezıdenti Qasym-Jomart Toqaevtyń bastamasymen jarııalanǵan 2020 jyl – «Eriktiler jylyn» qoldaý aıasynda ótkizildi.

Oqý lagerine Túrkistan oblysynyń barlyq aýdan, qalalaryndaǵy kolledj jəne ýnıversıtetterdiń stýdentteri, sonyń ishinde 200- ge jýyq eriktiler uıymdarynyń kóshbasshylary jınaldy.

Іs-shara barysynda jastar eriktilik pen jobalardy basqarý, komandada jumys jasaı bilý jáne kóshbasshylyq qabiletterin damytý , erikti jastar uıymynyń jumysyn ońtaıly júrgizý sııaqty baǵyttar boıynsha qyzyqty dáris aldy.

Trenıngke arnaıy Túrkııadan jeke tulǵa retinde ósý jónindegi halyqaralyq trener-koých Ramazanov Arslan, Shymkent qalasynan ekonomıka ǵylymdarynyń kandıdaty, dotsent Dinmuhamed Jaqypbekov, Nur-Sultan qalasynan Aqparat jáne qoǵamdyq damý komıtetiniń jobalyq menedjeri - Býrlachenko Lıýdmıla kelip, jastardyń biliktiligin shyńdady. «Jastar eriktilik basqarý» trenıngi jastarmen jumystyń jańa baǵytyn aıqyndap berdi.