Túrkistanda 20 shaqty páterdi tonaǵan ury ustaldy
ShYMKENT. QazAqparat - Túrkistan qalalyq ІІB qyzmetkerleri jedel-izdestirý is-sharasyn júrgizý barysynda páter urlyqtaryna qatysy bar degen kúdikpen Qyzylorda oblysynyń turǵynyn ustady. Qazirgi tańda seziktiniń sońǵy eki aıdaǵy 20-ǵa jýyq páter urlyǵyna qatystylyǵy anyqtaldy, dep habarlaıdy QazAqparat HAA tilshisi.
Tergeý barysynda anyqtaǵandaı, ury jergilikti turǵyndardyń úıine plastıkalyq terezelerin buzý arqyly kirip júrgen. Sóıtip, aqsha, altyn buıymdar men baǵaly zattardy qoldy etip otyrǵan. Urlanǵan zattardy satyp, aqshasyn óz qajetine jumsaǵan. Qazirdiń ózinde jábirlenýshilerge keltirilgen shyǵyn kólemi 2,5 mıllıon teńgeden asyp otyr. Polıtseıler kúdiktiden tárkilengen aıǵaq zattardyń bir bóligin zańdy ıelerine qaıtardy.
Atalǵan jaıt Túrkistan QІІB-nyń sotqa deıingi biryńǵaı tergep-tekserý tizilimine tirkelip, QR QK-niń188-babymen «Urlyq» qylmystyq is qozǵaldy. Kúdikti qamaýda.
