Túrkistanda 1570 sheteldik kólik tirkeý talaptaryna sáıkes kelmeıdi
TÚRKІSTAN. QazAqparat - Túrkistan oblysynda 1570 kóliktiń qujaty tirkelý talaptaryna sáıkes kelmedi, dep habarlaıdy QazAqparat tilshisi.
Jalpy, óńirde búgingi kúnge deıin 2800-den astam turǵyn sheteldik kóligin tirkeý týraly ótinish bergen.
Barlyq talapqa saı kelgen 396 sheteldik kólik tolyq baqylaýdan ótip, qazaqstandyq nómir aldy. Onyń ishinde 393-i Reseı Federatsııasynyń kóligi bolsa, qalǵan 3-eýi Armenııa memleketine tıesili. Al, 1570 kóliktiń qujaty tirkelý talaptaryna sáıkes kelmegen.
«Aktsııa 2023 jyldyń 1 shildesine deıin jalǵasatynyn eskertemiz. Sondyqtan elimizge 2022 jyldyń 1-qyrkúıegine deıin ákelingen sheteldik kólikterdi rásimdep alýǵa bolady. Tirkeý úshin kólik ıesinen ótinish, jeke kýálik, kólik quralynyń pasporty nemese kólik quralyn tirkeý týraly kýálik, kólik quralyna menshik quqyǵyn rastaıtyn qujat qajet» - delingen Túrkistan oblysy polıtsııa departamentiniń baspasóz qyzmeti taratqan habarlamada.
Aıta keteıik, budan aldyn Túrkistanda zańdastyrýǵa kelgen sheteldik kólikter ishinde Nexia markasy kóp tirkelip jatqanyn jazǵan bolatbynyz.
