Túrkistanda 1500 oqýshy bir mezgilde kúı tartty

TÚRKІSTAN. QazAqparat-Túrkistan tórinde 1500 oqýshynyń oryndaýynda Qurmanǵazynyń «Balbyraýyn» kúıi oryndaldy, dep habarlaıdy QazAqparat tilshisi.

Oblystyń ónerli balalary «Dombyra Party» flesh-mobyna qatysyp, óz ónerlerin ortaǵa saldy. Halyq kóp shoǵyrlanǵan ortada, ashyq aspan astynda uıymdastyrylǵan aýqymdy shara aıasynda qazaqtyń tól aspabyn nasıhattap, ulttyq ónerdi pash etti.

Túrkistan oblysynyń ákimi Ómirzaq Shókeev balalardy merekemen quttyqtap, respýblıkalyq pándik olımpıadalar men ǵylymı jobalar baıqaýlarynyń jeńimpazdaryn marapattady. Qazaqstan estrada juldyzdary «Zaman» toby men ánshi Aıdar Baıjanov jáne Túrkistan oblysynyń talantty oqýshylary ónerlerin kórsetti.

Balalarǵa tegin balmuzdaq pen táttiler taratyldy. Sondaı- aq merekege oraı «drone challenge» jáne «robo fest» kórmesi uıymdastyrylyp, jas qylqalam sheberleriniń salǵan tańdaýly sýretteri nasıhattaldy.