Túrkistanda 15 myńnan astam oqýshy lagerde demalyp qaıtty

TÚRKІSTAN. QazAqparat - Túrkistan oblysynda balalar men jasóspirimderdiń jazǵy demalysyn jáne saýyqtyrylýyn tıimdi uıymdastyrý maqsatynda qala syrtynda 24 lager jáne mektep janynda 905 lager jumys jasaýda, dep habarlaıdy QazAqparat oblys ákiminiń baspasóz qyzmetine silteme jasap.

Búgingi tańda 4 aýysymmen bala qabyldap jatqan qala syrtyndaǵy lagerlerde 15 myńnan astam bala saýyqtyryldy. Taǵy 17 myńǵa jýyq bala shilde, tamyz aılarynda atalǵan lagerlerde demalady. Budan bólek, 905 mektep janyndaǵy lagerde 193 myńnan astam oqýshy jazǵy ýaqytyn tıimdi ótkizgen. Bul - óńirdegi oqýshylardyń 32,2 paıyzy.      

Sonymen qatar, oblystaǵy bes balalar úıiniń 350-ge jýyq tárbıelenýshisi jaz boıy Túlkibas aýdanyndaǵy «Samal» lagerinde demalady.

Buǵan qosa, jaz boıy balalardy ekskýrsııa, saıahatqa aparý jumysy jalǵasyn tabýda. Máselen, respýblıkalyq ólketaný aktsııasy aıasynda 200 bala Astana qalasyna saıahatqa jiberildi. Al, týǵan eldiń mádenıeti men tarıhyn neǵurlym tereń zerdeleý, tarıhı oryndardyń alýan túrliligi men erekshelikteri týraly bilim alý maqsatynda shilde aıynyń 2-9 aralyǵynda oblystan 70 oqýshy Qostanaı oblysy Arqalyq qalasyna saıahatqa baryp qaıtty. Sonymen qatar, óńirdiń  tarıhı murajaılaryna saıahat jasaý maqsatynda «Oblys tarıhy» atty úsh kúndik kerýen-sherýi aktsııasy ótkizilip, oǵan oblysymyzdan az qamtylǵan otbasydan shyqqan 150 oqýshy qatystyryldy.

Bıylǵy jaz mezgilinde oqýshylardy saýyqtyrý jáne demalys sharalarymen qamtý úlesi 95-ǵa paıyzǵa jetpek.