Túrkistanda 100 oqýshyǵa grant berildi
ASTANA. QazAqparat - Búgin, 14 sáýirde Túrkistandaǵy Ahmet ıAsaýı ýnıversıtetinde IV Respýblıkalyq «ıAsaýı» pándik olımpıada qorytyndysy jarııalandy.
Respýblıkalyq olımpıadaǵa elimizdiń 14 oblysynan jáne Astana, Almaty qalalarynan 11-synyptyń 7 myńǵa jýyq oqýshysy qatysty. Jasóspirimder 11 pán boıynsha bilimderin sarapqa salyp, tek úzdikteri jeńiske jetti.
Olımpıadany qorytyndylaǵan ýnıversıtet rektory, professor Ý.Ábdibekov jáne ýnıversıtettiń Damý jáne qarjylandyrý jónindegi vıtse-prezıdenti M.Eren jeńimpazdarǵa 1,2,3 dárejeli Q.A.ıAsaýı atyndaǵy Halyqaralyq qazaq-túrik ýnıversıtetiniń bilim granty dıplomyn tabystady. Óz bilimderimen oq boıy ozyp shyqqan 100 grant ıegerine UBT-dan 50 baldan joǵary jınaý shartymen Ahmet ıAsaýı ýnıversıtetinde tegin bilim alý quqyǵy berildi.
«Búgingi básekeden ýnıversıtet grantyna ilikpeı qalǵan qatysýshylarǵa da úlken jeńildikter qarastyrylyp otyr. Eger siz memlekettik grantty ıelene almasańyz, UBT-da jınaǵan 50 upaımen osy sertıfıkatpen aqyly negizde 25 paıyzdyq jeńildikpen bilim ala alasyzdar»,-degen professor Ý.Ábdibekov barlyq jeńimpazdardy quttyqtady.
Grant júldegerleri bilim dodasynyń ádil nátıjesine rızashylyqtaryn bildirip, erekshe qýanyshtaryn jetkizdi. Ýnıversıtettiń jetistikteri men kampýsynyń saltanatyna qanyqqan oqýshylar, oqý orynnyń stýdenti bolýdy ózderine maqsat etetindikterin de jasyrmady.
Aıta keteıik, úsh aıǵa jalǵasqan olımpıadanyń І irikteý kezeńi - online túrde 2017 jyldyń 1-4 naýryz kúnderi ótkizilip, jalpy 6600 oqýshy qatysqan bolatyn. HQTÝ bazasyndaǵy ІІ kezeńge 2351 oqýshy ótip, aqtyq bilim saıysynda 1200 oqýshy baq synady, dep habarlaıdy ýnıversıtettiń baspasóz qyzmeti.
