Túrkistanda 100 myń túp aǵash otyrǵyzylady

TÚRKІSTAN. QazAqparat - Túrkistan qalasyn kógaldandyrý maqsatynda jyl saıyn túrli aǵash kóshetteri egiledi. Ótken jyly kúzde qalanyń negizgi kósheleri men Sháýildir tasjolynyń boıyna 46 000 túp aǵash kóshetteri otyrǵyzylyp, qalany sýlandyrý baǵytynda 6 jerden tereń uńǵymaly skvajına qazylǵan bolatyn, dep habarlaıdy QazAqparat oblys ákiminiń baspasóz qyzmetine silteme jasap.

Óz kezeginde bul jumystar jalǵasyn taýyp bıylǵy jyly qalanyń barlyq aýmaǵyn qamtyp, 100 myń túp aǵash kóshetin otyrǵyzý josparlanyp otyr. Bul kóshetterdiń denin shólmen sýǵa tózimdi jıde, qara aǵash, emen taıland jáne jemis aǵashtarynyń túrleri quraıdy. Josparlanǵan aǵash kóshetteri tazalyq mekemesiniń jumysshylary men senbilikterge atsalysqan qaladaǵy barlyq ujymdar, úkimettik uıymdar men qala jastarynyń kúshimen egildi.

Sonymen qatar, Túrkistannyń kireberis tórt qaptalynan jappaı «Pavlovnııa» aǵashyn (10 myń túp) otyrǵyzý qolǵa alyndy. Osylaısha Túrkistandy jasyl jelekpen kómkerý qyzý júrýde.