Túrkistanda 100-den astam kópqabatty turǵyn úı salynady
Túrkistan oblysynda qurylys qarqyny artqan. Jyl qorytyndysymen 100-den astam nysan paıdalanýǵa tapsyryldy.
Óńirde bilim berý salasynda 20,9 mlrd. teńgege 51 nysannyń qurylysy júrgizildi. Onyń 22-i paıdalanýǵa berildi. Al, densaýlyq saqtaý salasynda 2,8 mlrd. teńgege 20 nysan iske asyp jatyr. Onyń ishinde Shardarada 150 kelýshige arnalǵan emhana, Túrkistan qalasynda jedel járdem stantsııasy, Ordabasy aýdanynda 2 FAP paıdalanýǵa tapsyryldy.
Mádenıet salasy boıynsha 14 nysannyń qurylysyna 2,2 mlrd. teńge bólingen. Nysandardyń qurylysy 2023 jyly tolyq aıaqtalady dep kútilip otyr. Sport salasynda 13,8 mlrd. teńgege 12 nysan boı kóterýde. Turǵyn úı qurylysyna 35,9 mlrd. teńge bólingen. Bul qarjyǵa óńirde 129 úı salynady.
Oblys ortalyǵy Túrkistan qalasynda jalpy aýmaǵy 250 myń sharshy metrden asatyn 100-den astam kópqabatty turǵyn úıdiń qurylysy júredi. Atap aıtqanda, 9 qabatty 36 úı, 7 qabatty 40 úı jáne 5 qabatty 20 nesıelik turǵyn úı salynady. Sonymen qatar «Jańa qala» aımaǵynda ınvestorlar esebinen 14 kópqabatty turǵyn úı kesheniniń qurylysy bastalmaq.
