Túrkistanda 100-den asa polıtseı marapattaldy

TÚRKІSTAN. QazAqparat – Túrkistan oblysynyń Polıtsııa departamentinde Qazaqstan Respýblıkasynyń Konstıtýtsııa kúnine oraı merekelik is-shara ótti, dep habarlaıdy QazAqparat tilshisi.

Jıynda PD bastyǵy, polıtsııa general-maıory, polıtsııa polkovnıgi Qaırat Dálbekov tártip saqshylaryn Ata zańymyzǵa 24 jyl tolýyna oraı quttyqtap, polıtsııa qyzmetkerlerine azamattardyń qaýipsizdigin saqtaýdaǵy qyzmette sáttilik pen kásibı sheberlik tileıtinin jetkizdi. Polıtsııanyń ashyqtyǵy qaǵıdasy boıynsha atqarylyp jatqan aýqymdy jumystar barysyn baıandap ótti.

«Konstıtýtsııa barlyq zań salalarynyń negizi. Al onyń normalary basqa zańdardyń negizgi bastaýy bolyp tabylady. Taǵylymdy tarıh enshisine aınalyp úlgergen jıyrma tórt jyl ishinde Ata Zańymyz memleketimizdi tolaǵaı jetistikterge jetkizip, álemdik qaýymdastyqtyń beldi múshesine aınaldyrdy. Búginde qazaq eliniń dańqy álemge tanylyp, básekege qabiletti elderdiń qataryna qosylý úshin qaryshtyq qadamdar jasaýda. Bul Elbasymyzdyń tabandy túrde júrgizip otyrǵan saıasatynyń jemisi jáne jeńisi»,- dep atap ótti Qaırat Dálbekov.

Departament bastyǵy sonymen qatar elimizdiń Іshki ister mınıstrligi buıryǵymen adal eńbegi men joǵary kásibı jumysy úshin Túrkistan oblysy PD-niń 10-nan astam qyzmetkerin, Departament bastyǵymen jumystaǵy jetistikteri úshin 100-den asa polıtsııa qyzmetkerin marapattady.

Saltanatty shara sońy Túrkistan qalasynyń Mádenıet úıiniń ánshileri uıymdastyrǵan kontserttik baǵdarlamaǵa ulasty.