Túrkistanda 10 gúlzar salynady
NUR-SULTAN. QazAqparat - Túrkistan qalasynyń aýmaǵynda 10 gúlzar salynady, dep habarlaıdy QazAqparat.
Oblys ákimi Ómirzaq Shókeevtiń tapsyrmasyna sáıkes halyq kóp shoǵyrlanǵan ortalyq kósheler boıynan qoǵamdyq kógaldardy (skverler men alleıalar) kóbeıtý boıynsha birneshe demalys alańshalaryn salý josparlanyp otyr. Osy arqyly qalanyń ortalyǵynda qala qonaqtary men turǵyndaryna arnalǵan demalys oryndaryn kóbeıtý jáne qalany sýlandyrý, kógaldandyrý maqsaty kózdelgen.
Osyǵan sáıkes, negizgi kósheler boıynan jalpy aýmaǵy 172,2 gektardy quraıtyn qolaıly oryndar anyqtaldy. Onyń ishinde qalaǵa kire beristegi B.Sattarhanov dańǵyly boıyndaǵy 3 gektar aýmaqtaǵy eski jasandy kanal boıy abattandyrylyp, avtoturaq, sýburqaq, otbasylyq saıaly gúlzarlar salynady. Qazirgi tańda kópshiliktiń demalys ornyna aınalǵan «Rámizder alańy» osy gúlzarlarmen jalǵasatyn bolady.
