Túrkistan joldarynan 11 myńnan astam aqaý anyqtaldy
TÚRKІSTAN. QazAqparat - Túrkistan oblysynyń Polıtsııa departamenti bıyldyqqa kóshe-jol jelisine 3 myńnan astam tekserý júrgizgen. Nátıjesinde, jol qozǵalysy qaýipsizdigine teris áser etetin 11 583 aqaý anyqtaldy, dep habarlaıdy QazAqparat.
Jergilikti ákimdiktiń málimetinshe, jyl basynan beri qabyldanǵan sharalardyń arqasynda jol-kólik oqıǵalary sany – 3,5 paıyzǵa, olardyń saldarynan qaza bolǵandarsany – 7,8 paıyzǵa tómendegen.
«Túrkistan oblysy jol qozǵalysy erejelerin qasaqana buzýshylardy qashyqtan anyqtaý úshin «DRON» pılotsyz ushý apparatyn qoldana bastady. Beınebaqylaý kameralardyń sany 100-den 141-ge deıin ulǵaıyp, oblystyq mańyzy bar joldarǵa 26-sy ornatyldy. Olardyń kómegimen 255 myńǵa jýyq quqyqbuzýshylyq anyqtaldy. Jyldamdyq rejımin avtomatty tirkeıtin bes mobıldi «Kıber-Sherıf» kesheni iske qosyldy. Olarmen 300-den astam quqyqbuzýshylyq anyqtaldy», - dep jazdy vedomstvodan.
Aıta keteıik, Túrkistan oblysy aýmaǵyndaǵy oblystyq mańyzy bar avtomobıl joldarynyń jalpy uzyndyǵy 4 myń shaqyrymnan asady.
